marathi kavita – जन्मजन्मांतर – Great – #1 Best for youth

marathi kavita

जन्मजन्मांतर

रिकामे डोळे, शुष्क पापण्या दूर कोण ती उभी
शरीर जमिनीवरती तिचे, परी दुःख पोचले नभी
पेगांवरती पेग रिचवत, फिरती थवे नेत्यांचे
प्रत्येक घोटाच्या धगीत नशीब पेटते तिचे

ललाटरेषा शोधत हुंगती, उकिरड्यांची देवळे
वासनेच्या धुंद कैफात कुणाची, नजर तिजकडे वळे
थेंबभर दूध तान्हुल्याचे, टीचभर पोट तिचे
कुंकू जाळीत, चारित्र्य तिचे, भरवस्तीत नाचे

अशू भिजल्या भाकरीसाठी सोसते वांझोट्या मरणकळा
दूर कुठेतरी फुलतो, ज्ञानेश्वरी च्या पारायणाचे मळा
असतो प्रत्येक मानवात जर ईश्वराचा अंश
मानवच मग मानवाला करितो का दंश

रामायण अन् महाभारत करू काय मी त्याचे?
अश्रू भिजल्या निवडुंगावर नशीब फाटत जाई माझे
कसली चूल, कोण पती? कुठे घरकुलाचा देव्हारा?
समाज सूर्याच्या आगीत पोळतो, स्वप्नफुलांचा पिसारा

मंगळसूत्र असते कसे, कुणी सांगेल का जरा?
निष्पर्ण वृक्षासन उघडा, माझ्या गळयाचा पसारा
पाठी एक, पोटी एक वणवण फिरते रानोमाळ
पदर फाटतो जेव्हा बाळाच्या पोटात उसळतो जाळ

Marathi Kavita in English

Rikame dole, suska papanya dura kona ti ubhi
sarira jaminivarati tice, pari duhkha pocale nabhi
peganvarati pega ricavata, phirati thave netyance
pratyeka ghotacya dhagita nasiba petate tice

lalataresa sodhata hungati, ukiradyanci devale
vasanecya dhunda kaiphata kunaci, najara tijakade vale
thembabhara dudha tanhulyace, ticabhara pota tice
kunku jalita, caritrya tice, bharavastita nace

asu bhijalya bhakarisathi sosate vanjhotya maranakala
dura kuthetari phulato, jnanesvari cya parayanace mala
asato pratyeka manavata jara isvaraca ansa
manavaca maga manavala karito ka dansa

ramayana an mahabharata karu kaya mi tyace?
Asru bhijalya nivadungavara nasiba phatata ja’i majhe
kasali cula, kona pati? Kuthe gharakulaca devhara?
Samaja suryacya agita polato, svapnaphulanca pisara

mangalasutra asate kase, kuni sangela ka jara?
Nisparna vrksasana ughada, majhya galayaca pasara
pathi eka, poti eka vanavana phirate ranomala
padara phatato jevha balacya potata usalato jala

  • यशेंद्र क्षीरसागर –

कवी, लेखक, चित्रपट समीक्षक, स्पर्धा परीक्षा मार्गदर्शक, शैक्षणिक कार्यकर्ता. एम ए मराठी, मराठीतून नेट-सेट, पत्रकारिता विषयातून सेट, मास्टर ऑफ जर्नालिझम, b.ed, सलग 25 तास अध्यापन करण्याचा विश्वविक्रम, भारतातील सर्वात मोठी कविता 3068 ओळी लिम्का बुक ऑफ रेकॉर्डमध्ये नोंद, दोन कवितासंग्रह, मनातली वादळे, भारतीय संस्कृती, कविता, निबंध आणि लेख यांचे लेखन, मार्गदर्शन, प्रबोधन अनेक कार्यक्रमात सूत्रसंचालन.

marathi kavita

Homesearch google

Leave a Reply

Close Menu