marathi kavita – धंदा है पर… – मराठी कविता Great – #1 Best for youth

Marathi Kavita #8

धंदा है पर…

तांबरलेल्या तिच्या डोळ्यात जहर
आणि गि-हाईकाची तिरपी नजर
नजरेचा कोना जळजळतो
मनातल्या बिछान्यावर वळवळतो
‘अरे आता है क्या?’
‘कितना?’
प्रश्नाचे पेट्रोल उत्तराच्या आगीला भडकावते
‘कितना लेगी? इतना?.. श्रीदेवी है क्या?’
वासनेचा बुडबुडा फसफसतो…

जणू ती म्हणजे त्याची दौलतच
आकडा ऐकून तो धुसफुसतो
मग पोटाची खळगी हृदयात घुसून
वाचेवाटे बडबडते ‘अच्छा दे उतना!’
कातडीचे पहारेकरी जाता-येता पाहतात
‘ए गंदी..’फुकटच बरळतात
पेटी च्या खिशात बोटे वळवळतात…

नोटा येतात… जातात
नोटेवरचे गांधीजी खिशातही हसतात
पर्समध्येही हसतात
रिक्षा सुसाट सुटते…
जणू तिला परमसत्य सापडले आणि आता
जगाला ओरडून सांगायचे आहे…
पुन्हा रिक्षा परत.
पुन्हा तोच प्रश्न..
आणि ते तेच… तेच…..

Marathi Kavita In English

Tambaralelya ticya dolyata jahara
ani gi-ha’ikaci tirapi najara
najareca kona jalajalato
manatalya bichan’yavara valavalato
‘are ata hai kya?’
‘Kitana?’
Prasnace petrola uttaracya agila bhadakavate
‘kitana legi? Itana?.. Sridevi hai kya?’
Vasaneca budabuda phasaphasato…

janu ti mhanaje tyaci daulataca
akada aikuna to dhusaphusato
maga potaci khalagi hrdayata ghusuna
vacevate badabadate’accha de utana!’
Katadice paharekari jata-yeta pahatata
‘e gandi..’Phukataca baralatata
peti cya khisata bote valavalatata…

nota yetata… jatata
notevarace gandhiji khisatahi hasatata
parsamadhyehi hasatata
riksa susata sutate…
janu tila paramasatya sapadale ani ata
jagala oraduna sangayace ahe…
punha riksa parata.
Punha toca prasna..
Ani te teca… teca…..

  • यशेंद्र क्षीरसागर –

कवी, लेखक, चित्रपट समीक्षक, स्पर्धा परीक्षा मार्गदर्शक, शैक्षणिक कार्यकर्ता. एम ए मराठी, मराठीतून नेट-सेट, पत्रकारिता विषयातून सेट, मास्टर ऑफ जर्नालिझम, b.ed, सलग 25 तास अध्यापन करण्याचा विश्वविक्रम, भारतातील सर्वात मोठी कविता 3068 ओळी लिम्का बुक ऑफ रेकॉर्डमध्ये नोंद, दोन कवितासंग्रह, मनातली वादळे, भारतीय संस्कृती, कविता, निबंध आणि लेख यांचे लेखन, मार्गदर्शन, प्रबोधन अनेक कार्यक्रमात सूत्रसंचालन.

Homesearch google

This Post Has One Comment

  1. nice poem!!!

Leave a Reply

Close Menu